Forbes 2025 yil uchun Rossiyaning eng badavlat ayollari ro‘yxatini taqdim etdi. Yangilangan ro‘yxatda yangi ismlar paydo bo‘ldi va milliarder ayollar soni rekord darajaga yetdi. Ketma-ket ikkinchi yil yetakchilikni Wildberries asoschisi Tatyana Kim qo‘lga kiritdi.
Reytingda birinchi o‘rinda Tatyana Kim qayd etildi. Uning boyligi 7,1 milliard dollarga (571 milliard rubl) baholangan. 2021 yilda u 13 milliard dollarlik boyligi bilan dunyo milliarderlar ro‘yxatida ham tilga olingan edi. Sobiq eri Bakalchuk bilan shov-shuvli ajrimdan keyin Kim kompaniyaning 64,35 foiz ulushini o‘zida qoldirgan.
Ikkinchi o‘rin xususiy investor Tatyana Litvinenkoga nasib etdi. Uning boyligi 3 milliard dollar (240 milliard rubl)ga teng. U haqida jamoatchilikda juda kam ma’lumot mavjud. Uchinchi pog‘onani esa uzoq vaqt reyting yetakchisi bo‘lgan “Inteko”ning sobiq egasi Elena Baturina egalladi. Uning boyligi 1,3 milliard dollar (104,3 milliard rubl) deb baholangan.
To‘rtinchi o‘rinda “Uralsib” bankining katta ulushiga egalik qiluvchi Lyudmila Kogan joylashdi. Uning kapitali 1,2 milliard dollar (96,3 milliard rubl). Beshinchi pog‘onaga esa ilk bor Forbes ro‘yxatiga kirgan Tatyana Volodina chiqdi. U L’Etoile va Podrujka kompaniyalariga egalik qiladi, boyligi esa 1,15 milliard dollar (92,3 milliard rubl)ni tashkil etadi.
Kuchli o‘ntalikdan shuningdek Natalya Lutsenko (1,15 milliard dollar), Yekaterina Fedun (1,15 milliard dollar), Viktoriya Mixelson (1,1 milliard dollar), shuningdek Evgenyeva va Lidiya (902 million dollar) ham o‘rin oldilar.
“Zamin”ni Telegramʻda oʻqing!
