Buyuk Britaniyaning mashhur Costa Coffee qahvaxonalari endi avvalgidek ko‘p mijoz jalb qilmayapti. Yoshlar orasida bu tarmoq sevimliligini yo‘qotmoqda.
Asosiy sabab — ichimliklarga bo‘lgan did o‘zgarishi. Hozir ko‘plab yoshlar qahva o‘rniga yashil choydan tayyorlanadigan matcha ichimliklarini tanlamoqda. Raqobatchi qahvaxonalar menyusiga matcha lattelar qo‘shgan, lekin Costa hali bu yangilikni joriy qilmagan.
Shu sababli ko‘plab mijozlar Starbucks yoki kichik mustaqil qahvaxonalarga o‘tmoqda. Masalan, Londonda ochilgan Blank Street Coffee qisqa vaqt ichida ijtimoiy tarmoqlar orqali katta mashhurlikka erishdi.
Mutaxassislarning aytishicha, odamlar endi oddiy qahvani uyda tayyorlaydi, qahvaxonaga esa noodatiy va yangi ta’m uchun boradi. Agar Costa zamonaviy ichimliklarni taklif qilmasa, u bozorda raqobatchilarga yutqazishi mumkin.
Coca-Cola kompaniyasi egasi tarmoqni sotish haqida o‘ylayapti. Chunki 2019 yilda katta pulga sotib olingan bu tarmoq hozir kutilgan daromadni bermayapti.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
