Eron ruslarga nisbatan vizada yangi cheklovlar joriy etdi

Eron hukumati rossiyalik fuqarolar uchun kutilmagan tarzda vizalar olish tartibini qat’iylashtirdi. Endi rossiyaliklar mustaqil ravishda ariza topshirolmaydi — vizalar faqat Rossiyadagi sayyohlik kompaniyalari bilan hamkorlik qiladigan Eron turoperatorlari orqali beriladi. Bu haqda Rossiya Turoperatorlari assotsiatsiyasi ma’lum qildi.

Eronning Moskvadagi elchixonasi ta’kidlashicha, ushbu choralar Yaqin Sharq mintaqasidagi keskin vaziyat bilan bog‘liq. Asosiy maqsad — mamlakatga “nomaqbul shaxslar”ning kirib kelishining oldini olish.

Yangi cheklovlar Eron va Isroil o‘rtasida 12 kun davom etgan qurolli to‘qnashuvdan so‘ng paydo bo‘ldi. Shu davr mobaynida ayrim yuqori lavozimli eronlik amaldorlar Rossiyani Isroilga ma’lumot yetkazganlikda ayblab chiqishdi.

Mutaxassislar fikricha, bunday qaror ikki davlat munosabatlarida sovuqlik keltirib chiqarishi mumkin. Shu bilan birga, rossiyalik sayyohlar uchun Eronga safar qilish jarayoni avvalgiga nisbatan ancha murakkablashadi.

Eron rasmiylari esa yangi tartib mamlakat xavfsizligini ta’minlash va tashqi tahdidlarni oldini olish yo‘lida zarur qadam sifatida baholanmoqda.