Avstraliyaning Sidney shahrida noodatiy hodisa sodir bo‘ldi. Bobo bog‘chaga nabirasini olish uchun kelib, adashib boshqa bolani uyiga olib ketdi. Bola uxlab yotgani sababli xatolik darhol sezilmadi.
Vaziyat bolaning onasi kelib, farzandi bog‘chada yo‘qligini ko‘rgach ma’lum bo‘ldi. Bog‘cha xodimlari boboning kimligi yoki qaysi bolani olib ketgani haqida aniq ma’lumot bera olishmadi. Ona bu voqea uchun boboni emas, balki bog‘chani aybladi.
Boboning rafiqasi uning juda afsuslanganini va xatoni bilgan zahoti bolani tezda qaytarib olib kelganini aytdi. “U juda iztirob chekdi, lekin xatoni tan oldi,” dedi u.
Bog‘cha rahbariyati voqeada qatnashgan xodimni ishidan chetlatganini bildirdi. Rasmiylar bu hodisani jiddiy voqea deb baholab, tekshiruv boshlaganini ma’lum qildi.
“Zamin”ni Telegramʻda oʻqing!
