Ryutte: NATO Rossiya samolyotini urib tushirishi kerak
NATO bosh kotibi Mark Ryutte Rossiya samolyoti NATO havo hududini buzsa, uni urib tushirish kerakligini aytdi. U Donald Trampning Rossiya uchoqlarini yo'q qilish haqidagi chaqiriqlarini qo'llab-quvvatlashini bildirdi. Tramp esa Rossiya samolyoti urib tushirilgan taqdirda AQSH Yevropa davlatlarini himoya qiladimi, degan savolga aniq javob bermay, bu holatga bog'liqligini aytdi.
NATO bosh kotibi Mark Ryutte Rossiya havo hujumchi samolyotlariga nisbatan qat’iy choralar ko‘rish tarafdori ekanini bildirdi.
“Men Trampning chaqiriqlarini qo‘llab-quvvatlayman. Agar Rossiya samolyoti NATO havo hududini buzsa, uni urib tushirish kerak”, — dedi u Fox News telekanaliga bergan intervyusida.
Eslatib o‘tamiz, AQSH prezidenti Donald Tramp Ukraina rahbari Vladimir Zelenskiy bilan matbuot anjumanida NATO davlatlari o‘z havo hududiga kirgan Rossiya uchoqlarini yo‘q qilishi mumkinligini aytgan edi.
Shu bilan birga, undan: “Agar Yevropa Rossiya samolyotini urib tushirsa, AQSH ularni himoya qiladimi?” — degan savol so‘raldi. Tramp esa bu borada aniq javob bermasdan, “holatga bog‘liq” deya izoh bilan cheklandi.
Izohlar 0
…