AQSH prezidenti Donald Trampning ma’lum qilishicha, Eron G‘azo sektoridagi ziddiyatni bartaraf etish va tinchlik kelishuviga erishish niyatini bildirgan.
Tramp bu haqda Oq uyda jurnalistlar bilan bo‘lgan suhbatda aytib o‘tdi. Uning ta’kidlashicha, Yaqin Sharqdagi ko‘plab davlatlar G‘azo bo‘yicha AQSH tomonidan ishlab chiqilgan kelishuv rejasini qo‘llab-quvvatlamoqda.
«Hozir hamma bu mojaroni tugatishimizni istayapti. Ilgari bu darajada qo‘llab-quvvatlash bo‘lmagan. Oddiy qilib aytganda, aholining 80 foizi odatda hech qanday harakat qilishni istamaydi, ammo bu safar vaziyat boshqacha», — dedi Tramp.
Prezidentning so‘zlariga ko‘ra, Vashington Eron tomonidan aniq signal olgan. «Bizga Tehrondan juda ravshan ishora keldi — ular buni yakunlashni xohlaydi», — deya qo‘shimcha qildi u.
“Zamin”ni Telegramʻda oʻqing!
