19 noyabr kuni Ternopil shahriga amalga oshirilgan Rossiya raketa hujumidan qurbon bo‘lganlar soni 34 nafarga yetdi. Bu haqda viloyat harbiy ma’muriyati rahbari o‘rinbosari Taras Pastux yakshanba kuni, 23 noyabrda, ma’lum qildi. "Biz tasdiqlashimiz mumkinki, 34 kishi halok bo‘lgan, ulardan 33 nafarining shaxsi aniqlandi," — dedi u Telegram orqali.
Pastuxning so‘zlariga ko‘ra, yana bir erkak jasadining shaxsi mutaxassislar tomonidan aniqlanmoqda. Shuningdek, olti kishi — ikki erkak, uch ayol va bir bola — daraksiz yo‘qolganlar ro‘yxatiga kiritilgan.
Hujumdan to‘rtinchi kuni, Ternopilda qidiruv-qutqaruv ishlari to‘xtatildi. Hozirda politsiya xodimlari uy qaysi turdagi qurol bilan yo‘q qilinganini aniqlash uchun dalillarni to‘plashmoqda.
"Bu Rossiyaning X-101 turidagi raketa zarbasi bo‘lgan, degan taxmin mavjud, ammo tergov uchun dalillar yig‘ib olinishi lozim," — dedi Pastux. Uning qo‘shimcha qilishicha, hujum natijasida to‘qqiz qavatli turar joy binosi qisman qulagan, yana bir shunday uyga jiddiy zarar yetgan. Rossiya harbiylari Ternopilda tinch fuqarolarning o‘limi haqida hech qanday izoh bermagan. Shu bilan birga, RF Mudofaa vazirligi zarba harbiy-sanoat va energetika obyektlariga berilganini ta’kidlamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
