Vitaliy Volkov “Suriya borasidagi muzokaralarda Qozog‘istonning manfaati nimadan iborat?” nomli maqolada Suriya bo‘yicha muzokaralarda Ostonaning manfaatlari xususida to‘xtalib o‘tgan.
Rossiyalik harbiy analitik L.Korolkov ta’kidlashicha, Suriyaning o‘zida Qozog‘istonning ko‘z ilg‘ab oladigan hech qanday manfaatlari mavjud emas. Qozog‘iston uchun na uglevodorodlar, na hududlar kerak. “Shartli musulmon davlat” hisoblangan Qozog‘iston hech qanday guruhiy diniy manfaatlarini ilgari surayotgani yo‘q.
Biroq QRning boshqa sohaga qiziqishlari mavjud. Ostona va Anqara o‘rtasida chuqur hamkorlik aloqalari bor bo‘lib, Turkiya bilan Rossiya o‘rtasidagi yovlarcha munosabat respublika iqtisodi hamda qator madaniy-ijtimoiy dasturlarga juda salbiy ta’sir ko‘rsatishi mumkin. Shuning uchun Ostonaning Suriya borasidagi markaziy manfaati – Moskva va Anqara o‘rtasida nizo kelib chiqishining oldini olish hamda iloji boricha ularni bir-biri bilan yaqinlashtirishdan iborat.
Nemis eksperti M.Laubsh fikricha, Suriya bo‘yicha bo‘lib o‘tayotgan muzokaralarda Qozog‘iston shaxsiy manfaatlarga ega.
Birinchidan, hozirgi vaqtda eng muammoli mavzudagi tadbirning QR hududida bo‘lib o‘tishi jahon maydonida Qozog‘iston nufuzini birmuncha oshiradi.
Ikkinchidan, “neft asiri” bo‘lgan respublika uglevodorodlar bozorini maksimal barqarorlashtirish uchun harakat qilmoqda va shu bilan birga “Suriya va Turkiyada mavjud hamda qurilishi rejalashtirilayotgan quvurlar loyihasi” xavfsizligi borasida ham manfaati bor.
Uchinchidan, xavfsizlik borasida Qozog‘iston va Suriya aniq maqsadga ega. Suriyada jang qilayotgan “Islom davlati”, “An-Nusra fronti” va boshqa ko‘plab terrorchi islom tashkilotlari safida QR hamda qo‘shni davlat fuqarolarining mavjudligi respublika uchun xavf tug‘dirishi mumkin.
Shu munosabat bilan Ostona Markaziy Osiyoda o‘zining g‘araz niyatlarini amalga oshirishga harakat qilayotgan jihodchi terrorchi guruhlar oyog‘iga bolta urish uchun zarur bo‘ladigan tartib tarafdori bo‘lib turibdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Shavkat Mirziyoyev Rossiya bosh prokurori bilan uchrashuv o‘tkazdi
Putin Ukrainadagi obyektga ballistik raketa zarbasi berilganini e’lon qildi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Ukraina Kursk oblastida egallab olgan hududlarining 40 foizdan ortig‘ini yo‘qotdi
