G‘azoda banklar ishlamayotgani va yangi pul kelmayotgani sabab odamlar eskirgan pullarni ta’mirlab ishlatishga majbur bo‘lyapti. Bozorlarda yirtilgan va rangi o‘chgan banknotalarni tuzatib beruvchilar ko‘paygan.
Ba’zi yoshlar oddiy qalam, chizg‘ich va elim bilan pulni tiklab, yana muomalaga qaytarishmoqda. G‘azoda har bir banknota muhim, chunki bankomatlar ishlamaydi, ko‘plab banklar vayron bo‘lgan.
Naqd pul yetishmagani uchun ko‘pchilik elektron to‘lovlardan foydalanmoqda. Lekin elektron pulni naqdga almashtirishda ayrimlar juda yuqori komissiya olishmoqda, bu esa aholiga qo‘shimcha qiyinchilik tug‘dirmoqda.
UNICEF kabi tashkilotlar yordam yuborayotgan bo‘lsa-da, narxlar juda oshgan. Shuning uchun ko‘plab oilalar kundalik xarajatlarini qoplashda qiynalmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
