Rossiya tomonidan amalga oshirilgan keng ko‘lamli havo hujumlari Ukrainada energetika tizimiga jiddiy zarar yetkazdi. Prezident Volodimir Zelenskiy hujumlar davomida 600 dan ortiq dron va 30 dan ziyod raketa qo‘llanilganini ma’lum qildi. Zarbalarning asosiy qismi elektr stansiyalari va muhim infratuzilma obyektlariga qaratilgan.
Energetika operatori “Ukrenergo” bir qator viloyatlarda majburiy elektr uzilishlari joriy etilganini bildirdi. Elektr ta’minotidagi uzilishlar millionlab aholining kundalik hayotiga ta’sir ko‘rsatmoqda. Ta’mirlash ishlari xavfsizlik sharoitlari yaxshilangach boshlanishi aytilmoqda.
Hujumlar sovuq ob-havo sharoitida sodir bo‘layotgani vaziyatni yanada murakkablashtirmoqda. Ayrim hududlarda havo harorati nol darajadan pastga tushishi kutilmoqda, bu esa isitish va elektr energiyasiga bo‘lgan ehtiyojni oshirmoqda.
Ukraina hukumati aholini elektr energiyasidan tejab foydalanishga chaqirdi. Rasmiylar energetika tizimini tiklash ustuvor vazifa ekanini, buning uchun barcha mavjud resurslar safarbar etilayotganini ma’lum qildi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
