Venesuela rahbari Nikolas Maduro AQSH xodimlari tomonidan qo‘lga olinib, jinoiy javobgarlikka tortish uchun Qo‘shma Shtatlarga olib ketilgani aytilmoqda. Shundan so‘ng Vashington Venesuela hududida qo‘shimcha harakatlar o‘tkazishni ko‘zlamayapti. Bu haqda podrobno.uz xabar beradi.
Senator Mayk Li Marko Rubio so‘zlariga tayanib, operatsiyaning asosiy maqsadi Maduroni hibsga olish bo‘lganini bildirdi. Uning ta’kidlashicha, qayd etilgan harbiy harakatlar faqat hibsni amalga oshirgan xodimlarning xavfsizligini ta’minlashga qaratilgan, operatsiyani kengaytirish yoki harbiy bosqichni davom ettirish rejalashtirilmagan.
New York Times venesuelalik amaldorlarga tayanib yozishicha, AQSH zarbalari oqibatida halok bo‘lganlar va jarohat olganlar bor. Hozircha ularning aniq soni ma’lum qilinmagan.
AQSH ma’muriyati Maduro sud oldida javob berishi kerakligini urg‘ulamoqda. Davlat kotibi o‘rinbosarining bayonotiga ko‘ra, u o‘z jinoyatlari uchun qonuniy tartibda javob beradi.
Shuningdek, AQSH harakatlariga javoban bir qator davlatlar va xalqaro tashkilotlar rasmiylari vaziyat yuzasidan xavotir bildirgani qayd etildi.
“Zamin”ni Telegramʻda oʻqing!
