13 fevralga o‘tar kechasi Afg‘oniston hududida yer silkinishi qayd etildi. Bu haqda Seysmoprognostik monitoring markazi xabar berdi.
Ma’lum qilinishicha, mahalliy vaqt bilan soat 03:12 da sodir bo‘lgan zilzila to‘lqinlari O‘zbekistonning bir qator hududlarida ham sezilgan. Xususan, Surxondaryo viloyatida yer silkinishi 2–3 ball, Qashqadaryo viloyatida esa 2 ball darajada qayd etilgan.
Qayd etilishicha, zilzilaning epitsentri Afg‘onistonning Vardak viloyati hududiga to‘g‘ri kelgan. Yer silkinishining magnitudasi 5,5 ni tashkil etgan bo‘lib, o‘choq chuqurligi 100 kilometr ekani ma’lum qilindi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
