AQSH davlat kotibi Marko Rubio Myunxen xavfsizlik konferensiyasida so‘zga chiqib, global tartibni ustuvor qo‘yish va «chegaralarsiz dunyo» g‘oyasi amalda o‘zini oqlamaganini ta’kidladi.
– Uning bildirishicha, AQSH Yevropaning kuchli va mustaqil bo‘lishidan manfaatdor.
– Shuningdek, G‘arb mamlakatlarida ommaviy migratsiya hozirgacha kuzatilmagan darajaga chiqqanini qayd etgan Rubio bu jarayon jamiyat birdamligiga va davlatlarning kelajagiga jiddiy tahdid solayotganini aytdi.
– Uning fikricha, AQSH va ittifoqchi davlatlar suverenitetning muayyan qismini xalqaro institutlarga topshirib, ijtimoiy xarajatlarga ustuvorlik bergani sabab mudofaa salohiyati yetarlicha rivojlanmay qolgan.
– Davlat kotibi, shu bilan birga, Birlashgan Millatlar Tashkiloti katta imkoniyatlarga ega bo‘lsa-da, hozirgi dolzarb muammolar bo‘yicha aniq va samarali yechimlar taklif qila olmayotganini tanqid qildi.
– Aytilishicha, BMT Ukrainadagi mojaroni to‘xtatishga muvaffaq bo‘lmagan, tomonlar o‘rtasidagi muzokaralar esa asosan AQSH vositachiligida amalga oshirilgan.
“Zamin”ni Telegramʻda oʻqing!
