The Tribune xabariga ko‘ra, so‘nggi o‘n yil ichida Hindistonda nikoh qurishning o‘rtacha yoshi 27 dan 29 ga ko‘tarilgan. Bu o‘zgarish ko‘pchilik endi erta uylanishdan ko‘ra, avvalo “oyoqqa turib olish”ni tanlayotganini ko‘rsatadi.
Tadqiqot mualliflari bu holatni moliyaviy barqarorlik, karera va shaxsiy tayyorgarlikka bo‘lgan talab kuchaygani bilan izohlaydi. Shu bilan birga, qayta turmush qurishni istovchilar ulushi ham o‘sgan: o‘n yil avval 11 foiz bo‘lgan ko‘rsatkich 2025-yilga kelib 16 foizga yetgani aytilmoqda.
Fon uchun O‘zbekistonda nikohlarda asosiy ulush 20–30 yosh oralig‘ida to‘g‘ri kelishi qayd etiladi: erkaklarda 20–30 yosh guruhi 78,7 foizni tashkil etgan. Ayollar bo‘yicha esa 20–30 yosh guruhi 53,5 foiz ekani keltiriladi. Xulosa bitta: ba’zi davlatlarda nikoh yoshi sekin “kechki” tomon surilyapti, bizda esa hali ham asosiy to‘lqin 20–30 atrofida — demak, trendlarni kuzatish kerak, chunki bu raqamlar keyin bozor, uy-joy va hatto mehnat siyosatigacha ta’sir qilib ketadi.
“Zamin”ni Telegramʻda oʻqing!
