Rossiyada 1 apreldan Telegram to‘liq bloklanishi mumkinligi haqida Baza manbalariga tayangan holda xabar tarqaldi. Unda aytilishicha, bloklash mobil tarmoqlar va uy (stasionar) internet orqali ham butun mamlakat bo‘ylab ishga tushirilishi mumkin.
Shu bilan birga, Roskomnadzor bu xabarni na tasdiqladi, na rad etdi: matbuot xizmati avval e’lon qilingan ma’lumotlardan tashqari “qo‘shimcha izoh yo‘qligini” bildirgan.
Muhimi: bu “birdaniga osmon qulab tushdi” degan yangilik emas, fonida allaqachon boshlangan cheklovlar bor. So‘nggi kunlarda Telegram’ga nisbatan bosqichma-bosqich cheklovlar va jarimalar haqida xabarlar chiqqan, Kreml ham cheklovlarni “qonunga rioya qilinmagani” bilan izohlagan.
Kontekst yanada keng: WhatsApp’ga nisbatan ham qattiqroq choralar kuchaygani, Instagram va Facebook esa avvaldan cheklanganini eslasak, 1 aprel haqidagi gaplar odamlarni tabiiy ravishda sergak torttiradi. Lekin hozircha bu — rasmiy qaror e’lon qilingan “fakt” emas, manbalarga tayangan ssenariy.
“Zamin”ni Telegramʻda oʻqing!
