Eron Armiya qo‘mondonining so‘zlariga ko‘ra, agar dushman o‘z hududida quruqlikdagi operatsiyani boshlasa, Eron hech kimni tirik qoldirmaydi.
Islom Respublikasi hukumatining ma’lumotlariga ko‘ra, Eron Yevropa, Osiyo va arab mamlakatlari bilan Hormuz bo‘g‘ozidan foydalanish bo‘yicha kelishuv tuzishga tayyor. Shuningdek, unda Eron Hormuz bo‘g‘ozini to‘liq nazorat qilishi ta’kidlangan.
IRNA agentligining Eron Qurolli Kuchlari shtab-kvartirasiga tayanib xabar berishicha, Tehron AQSH va Isroil taslim bo‘lguncha harbiy operatsiyalarni davom ettirishga tayyor. Shtab bayonotida strategik ahamiyatga ega Eron infratuzilmasi AQSH-Isroil hujumlari natijasida zarar ko‘rmaganligi va dushmanga noma’lum joylarda joylashganligi ta’kidlangan.
The Washington Post gazetasining xabar berishicha, AQSH harbiylari Trampga uning iltimosiga binoan Eronning boyitilgan uran zaxiralarini musodara qilish bo‘yicha ishlab chiqilgan rejani taqdim etishdi. Bunga havo transporti uskunalari, qazish ishlari va materialni olib tashlash uchun uchish-qo‘nish yo‘lagi qurish kiradi.
Politico nashrining yozishicha, Trampning NATO bo‘yicha ittifoqchilariga nisbatan keskin hujumlari, jumladan, Eronga qarshi harbiy amaliyotga qo‘shilishdan bosh tortganliklari uchun tanqidlari faqat bir maqsadga xizmat qildi: ularni o‘ziga qarshi birlashtirdi va alyansning parchalanishiga olib keldi. Nashr manbalariga ko‘ra, Vashington va uning sheriklari o‘rtasidagi ziddiyatlar blok ichidagi bo‘linishni kuchaytirib yuborgan. Bu esa tashkilotning yaxlitligiga jiddiy xavf tug‘dirmoqda.
“Zamin”ni Telegramʻda oʻqing!
