AQSH prezidenti Donald Tramp Eron bilan muzokaralarga oid OAVda tarqalgan 10 bandli tinchlik va kelishuv rejasini ochiq rad qildi. Uning bayonoti ijtimoiy tarmoqlarda keng tarqaldi va bu masala xalqaro axborot maydonida katta muhokamalarga sabab bo‘ldi.
Tramp o‘z bayonotida The New York Times va CNN nashrlarini tanqid qildi va ular eʼlon qilgan 10 bandli rejani “butunlay uydirma va haqiqatga mos kelmaydigan maʼlumotlar” deb atadi. Uning taʼkidlashicha, ushbu rejadagi barcha takliflar “yolg‘on va soxta” bo‘lib, diplomatik jarayonlarning asliga xilof. Shuningdek, jurnalistlarni keskin tanqid qildi va ularning ishi hamda maʼlumot tarqatish usulini qoraladi.
Avvalroq, Sayid Abbos Aroqchi Eron-Tramp muzokaralari munosabati bilan bayonot berib, tomonlar o‘rtasida 15 bandli AQSH taklifi va Eronning 10 bandli taklifi asosida muzokaralar olib borilganini maʼlum qilgan edi. Bu esa ikki davlat diplomatlari o‘rtasidagi kelishuv jarayoni va ayrim moliyaviy va siyosiy takliflarning tarkibi haqida umumiy tasavvur berdi.
Shu holat xalqaro maydonda AQSH va Eron munosabatlari, mintaqaviy xavfsizlik va diplomatik strategiyalar haqida keng muhokamalarga sabab bo‘lmoqda. Trampning qatʼiy munosabati esa AQSHning tashqi siyosatdagi pozitsiyasi va Eron bilan muzokaralardagi nuqtai nazarini yana-da ravshan ko‘rsatdi.
Bu voqea jahon siyosatini kuzatuvchi ekspertlar va tahlilchilar uchun muhim signal bo‘lib, kelgusidagi muzokaralar jarayonida turli ssenariylarning paydo bo‘lishi ehtimoli yuqori ekanini ko‘rsatmoqda.
“Zamin”ni Telegramʻda oʻqing!
