Zelenskiy: "Dronlar orqali dushman pozitsiyasi egallandi"
Vladimir Zelenskiy urush jarayonida ilk bor dronlar va yerusti robotlari yordamida dushman pozitsiyasi egallanganini ma'lum qildi. Ushbu operatsiya an'anaviy piyoda qo'shinlarsiz, faqat zamonaviy texnologiyalar orqali amalga oshirilgan. Davlat rahbari eng xavfli hududlarga askarlar o'rniga robotlar yuborilganini ta'kidladi. Mutaxassislarning fikricha, bunday yondashuv kelajakda harbiy amaliyotlar tabiatini tubdan o'zgartirishi mumkin.
Ukraina prezidenti Vladimir Zelenskiy urush jarayonida ilk bor noodatiy harbiy amaliyot amalga oshirilganini ma’lum qildi. Uning aytishicha, dushman pozitsiyasi an’anaviy piyoda qo‘shinlarsiz, to‘liq zamonaviy texnologiyalar — dronlar va yerusti robot tizimlari orqali egallangan. Bu haqda Unian nashri xabar berdi.
Davlat rahbari ta’kidlashicha, bu operatsiya davomida eng xavfli hududlarga insonlar emas, balki maxsus boshqaruvdagi robotlar yuborilgan. Ular pozitsiyalarga kirib borib, nazoratni qo‘lga olgan.
“Bu urush davomida birinchi marta qo‘shinlar ishtirokisiz amalga oshirildi. Eng xavfli nuqtalarga askar emas, robot kirdi va vazifani bajardi”, — dedi Vladimir Zelenskiy.
Mutaxassislar fikricha, bu kabi yondashuv kelajakda harbiy amaliyotlar tabiatini tubdan o‘zgartirishi mumkin. Zero, inson hayotini asrash va xavfni kamaytirishda bunday texnologiyalar tobora muhim ahamiyat kasb etmoqda.
Izohlar 0
…