Dunyoda barcha oziq-ovqat bilan o‘zini ta’minlaydigan davlat qaysi?
Dunyoda faqat Gayana davlati barcha yetti asosiy oziq-ovqat guruhlari bo‘yicha to‘liq mustaqillikka erishgan. O‘zbekiston ham ushbu yo‘nalishda yaxshi natijalarga ega bo‘lib, beshta asosiy guruh bo‘yicha o‘zini-o‘zi ta’minlay oladi. Mutaxassislar oziq-ovqat mustaqilligini iqtisodiy barqarorlik va milliy xavfsizlikning muhim omili deb hisoblaydilar.
Jahonda oziq-ovqat xavfsizligi masalasi tobora dolzarb ahamiyat kasb etayotgan bir paytda, ayrim davlatlarning o‘zini o‘zi to‘liq ta’minlay olishi alohida e’tiborga loyiq. Mutaxassislar tahlillariga ko‘ra, dunyoda faqat bitta davlat — Gayana barcha asosiy oziq-ovqat guruhlari bo‘yicha to‘liq mustaqillikka erishgan.
Qayd etilishicha, ushbu yettita guruhga go‘sht, sut mahsulotlari, baliq, kraxmalli mahsulotlar, dukkaklilar, yong‘oqlar hamda meva-sabzavotlar kiradi. Gayana ana shu barcha yo‘nalishlarda ichki ehtiyojni to‘liq qondirib, importga deyarli ehtiyoj sezmaydigan kamsonli davlatlardan biri hisoblanadi.
Bu esa mamlakatda qishloq xo‘jaligi tizimi yaxshi yo‘lga qo‘yilgani, tabiiy resurslardan samarali foydalanilayotgani hamda ichki ishlab chiqarish barqaror rivojlanayotganini ko‘rsatadi.
O‘zbekiston ham bu borada yomon natija qayd etmayapti. Ma’lumotlarga ko‘ra, mamlakat beshta asosiy oziq-ovqat guruhi bo‘yicha o‘zini o‘zi ta’minlay oladi. Bu esa milliy qishloq xo‘jaligi salohiyatining yuqori ekanidan dalolat beradi.
Mutaxassislar fikricha, oziq-ovqat mustaqilligiga erishish nafaqat iqtisodiy barqarorlik, balki milliy xavfsizlikning ham muhim omili hisoblanadi. Shu bois ko‘plab davlatlar ushbu yo‘nalishda islohotlar va investitsiyalarni kuchaytirishga alohida e’tibor qaratmoqda.
Izohlar 0
…