Bolgariyada saylovlarda Radev koalitsiyasi mutlaq gʻalaba qozondi
Bolgariyada o‘tkazilgan muddatidan oldin parlament saylovlarida sobiq prezident Rumen Radev boshchiligidagi "Progressiv Bolgariya" koalitsiyasi mutlaq g‘alaba qozondi. Mazkur siyosiy kuch saylovchilarning 44,7 foiz ovozini to‘plab, parlamentdagi 240 ta o‘rindan 131 tasini egalladi va ko‘pchilikni ta'minladi. Saylov natijalariga ko‘ra, parlamentga jami beshta siyosiy kuch, jumladan GERB va "O‘zgarishlarni davom ettiramiz — Demokratik Bolgariya" bloklari ham kirdi. Rumen Radev ushbu natijani umid va erkinlikning g‘alabasi deb baholadi, parlamentning yakuniy tarkibi esa 25-aprelda rasman e’lon qilinadi.
Bolgariyada muddatidan oldin oʻtkazilgan parlament saylovlarida sobiq prezident Rumen Radev yetakchiligidagi "Progressiv Bolgariya" koalitsiyasi gʻalaba qozondi.
Markaziy saylov komissiyasi maʼlumotlariga koʻra, mazkur koalitsiya uchun saylovchilarning qariyb 44,7 foizi ovoz bergan. Bu taxminan 1,44 million saylovchini tashkil etadi.
Saylov natijalariga koʻra, mamlakat parlamentiga jami beshta siyosiy kuch kirgan. 240 oʻrindan 131 tasi "Progressiv Bolgariya" koalitsiyasiga nasib etib, u mutlaq koʻpchilikni taʼminladi.
Qolgan oʻrinlar bir nechta partiyalar oʻrtasida taqsimlangan. Jumladan, GERB partiyasi 39 ta, "Oʻzgarishlarni davom ettiramiz — Demokratik Bolgariya" bloki 38 ta mandatni qoʻlga kiritgan.
Shuningdek, "Huquq va erkinliklar harakati" hamda "Tiklanish" partiyalari ham parlamentda oʻz oʻrinlariga ega boʻlgan.
Rumen Radev ushbu natijani "umidning ishonchsizlik ustidan, erkinlikning qoʻrquv ustidan qozonilgan gʻalabasi" sifatida baholadi.
Parlamentning toʻliq tarkibi 25 aprel kuni rasman eʼlon qilinishi kutilmoqda.
Izohlar 0
…