Eron tashqi ishlar vaziri Abbos Aroqchi AQShni Eronga qarshi amalga oshirilgan operatsiya xarajatlari boʻyicha notoʻgʻri maʼlumot taqdim etayotganlikda aybladi. Uning taʼkidlashicha, Vashington bu operatsiya uchun sarflangan mablagʻni ancha kamaytirib koʻrsatmoqda.
Vazirning soʻzlariga koʻra, AQShning Eronga qarshi harakatlari aslida 100 milliard dollarga tushgan. Biroq Pentagon ushbu xarajatlarni faqat 25 milliard dollar atrofida deb baholagan. Bu esa rasmiy maʼlumotlar bilan haqiqiy sarf-xarajatlar oʻrtasida katta farq borligini koʻrsatadi.
Abbos Aroqchi bu holatni tanqid qilar ekan, ayniqsa Isroil bosh vaziri Binyamin Netanyaxuning qarorlariga alohida urgʻu berdi. Uning fikricha, Netanyaxuning xavfli va shoshma-shosharlik bilan qabul qilingan qarorlari AQSH uchun kutilgandan ancha katta moliyaviy yoʻqotishlarga sabab boʻlgan.
“Netanyaxuning oʻylamay qilingan tavakkalchiligi Amerikaga rasman bildirilganidan toʻrt baravar koʻproq zarar yetkazdi”, — dedi Eron TIV rahbari.
“Zamin”ni Telegramʻda oʻqing!
