Bugun Yer yaqinidan ulkan asteroid uchib o‘tadi

1 daqiqa o'qish6.3K
Bugun Yer yaqinidan ulkan asteroid uchib o‘tadi
QisqachaAI yordamida tayyorlanganKo‘rsatish
  • Yevropa kosmik agentligi ma'lumotiga ko'ra, 2026JH2 deb nomlangan ulkan asteroid bugun, 18 may kuni Yer yonidan xavfsiz tarzda uchib o'tadi.
  • Arizona shtatidagi Mount Lemmon tadqiqot markazi astronomlari ushbu kosmik jismni 10 may kuni kuzatgan bo'lib, u Yerga eng yaqin nuqtada taxminan 91 ming 593 kilometr masofagacha yaqinlashadi.
  • "Appolon" sinfiga kiruvchi va diametri 15 metrdan 30 metrgacha bo'lishi taxmin qilinayotgan mazkur obyekt hech qanday xavf tug'dirmaydi.

Yevropa kosmik agentligi — European Space Agency ma’lumotiga ko‘ra, yaqinda aniqlangan 2026JH2 nomli asteroid bugun, 18 may kuni Yer yonidan xavfsiz tarzda o‘tib ketadi. Bu haqda CNN xabar tarqatdi.

Ma’lum qilinishicha, Arizona shtati Tuson shahridagi Mount Lemmon tadqiqot markazi astronomlari ushbu kosmik jismni 10 may kuni kuzatgan va unga 2026JH2 nomi berilgan. Asteroid “Appolon” sinfiga kiradi va Quyosh atrofida Yer orbitasi bilan kesishuvchi trayektoriya bo‘ylab harakatlanadi.

Olimlar hisob-kitobiga ko‘ra, asteroid Yerga eng yaqin nuqtada taxminan 91 ming 593 kilometr masofagacha yaqinlashadi. Bu Yer va Oy o‘rtasidagi masofaning qariyb 24 foiziga teng bo‘lib, hatto geosinxron sun’iy yo‘ldoshlar orbitasidan ham ancha uzoq sanaladi.

Richard Binzelning ta’kidlashicha, asteroid nisbatan yaqin masofadan o‘tsa-da, u hech qanday xavf tug‘dirmaydi. Uning aytishicha, bunday kichik kosmik jismlar Yer yaqinidan tez-tez o‘tib turadi va bu odatiy astronomik hodisa hisoblanadi.

Mutaxassislar ma’lumotiga ko‘ra, 2026JH2 Mars va Yupiter orasida joylashgan asteroidlar kamaridan kelib chiqqan. Hozircha uning aniq o‘lchami to‘liq ma’lum emas. Chunki optik teleskoplar asosan obyektning yorqinligini qayd etadi.

Taxminlarga ko‘ra, asteroid diametri 15 metrdan 30 metrgacha bo‘lishi mumkin.

Olimlar ushbu yaqinlashuvni xavfli holat emas, balki navbatdagi oddiy kosmik hodisa sifatida baholamoqda. Shu bilan birga, kichik asteroidlar harakati vaqt o‘tishi bilan o‘zgarishi mumkinligi sababli, ularning kelajakdagi orbitasini aniq bashorat qilish qiyin ekani ham ta’kidlanmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?