«Xonim, kolbasalar yoqdimi?». Timoshenko va Lukashenkoning orasiga sovuqchilik solgan voqea

Ukraina Radasi deputati Vadim Denisenko Belarus prezidenti Aleksandr Lukashenko hamda Ukrainaning sobiq bosh vaziri Yuliya Timoshenkoning orasiga sovuqlik solgan voqea haqida gapirib berdi.

Deputatning aytishicha, bundan 10 yilcha avval Lukashenko Timoshenkoga mazali kolbasalar solingan korzinani hadya sifatida yuboradi. Lekin sovg‘a manziliga etib bormaydi va uni qo‘riqchilar olib qo‘yishadi. Qo‘riqchilar sovg‘a kelganidan Timoshenkoni xabardor ham qilishmaydi va ularni paqqos tushirishadi.

Oradan bir necha kun o‘tgach, ikki siyosatchining suhbati bo‘lib o‘tadi va Lukashenko sovg‘a haqida eslatadi: «Yuliya Vladimirovna, kolbasa yoqdimi?».

Gap nima haqida ketayotganini tushunmagan Timoshenko Belarus rahbaridan jahli chiqadi va ularning aloqalari yomonlashadi. “Zamin” yangiliklarini “Twitter”da kuzatib boring