KXDR Avstraliyaga yadroviy zarba berish bilan tahdid qildi

Shimoliy Koreya Avstraliya hukumati AQShning Pxenyanga qarshi siyosatini qo‘llashda davom etsa, bu mamlakatga yadroviy zarba berishi bilan tahdid qilgan. Bu haqda shimolliklar tashqi ishlar vazirligiga asoslangan holda ABC telekanali xabar qildi.

Shimolliklarning bunday bayonoti Avstraliya TIV rahbari Juli Bishopning Shimoliy Koreya yadro dasturi Avstraliya uchun «jiddiy tahdid» ekani haqida aytib o‘tgan intervyusidan keyin paydo bo‘ldi. Bishop ham KXDR Avstraliyaga zarba berishi mumkinligini istisno etmagandi.

«Avstraliyaning hozirgi hukumati ko‘r-ko‘rona AQShga ergashadi. Agar Avstraliya AQShning Shimoliy Koreyani izolyasiya qilish bo‘yicha siyosatiga qo‘shilsa, bu o‘ziga suiqasd qilish bilan barobardir. Agar Avstraliya Amerika kabi KXDRni yakkalash va bosim o‘tkazishga urinsa, bu Shimoliy Koreya strategik kuchlari yadro zarbasi ta’sir hududiga tushish bilan yakunlanadi», degan shimolliklar tashqi ishlar vazirligi vakili.

Bundan avvalroq Shimoliy Koreya AQShning ogohlantiruvchi zarbasiga yadroviy hujum orqali javob qaytarish bilan tahdid qilgandi. “Zamin”ni Telegramʻda oʻqing!