18:25 / 28.05.2017
6 551

Makron: Tramp dunyo qoidalarini buzmaydi

Makron: Tramp dunyo qoidalarini buzmaydi
AQSh prezidenti Donald Tramp dunyo qoidalarini buzmaydi, deb hisoblaydi Fransiya etakchisi Emmanuel Makron. Kun.uz nashri shu haqda xabar berdi.

"Tramp dunyo, shu jumladan erkin savdo sohasidagi qonun-qoidalarini buzmaydi. U qandaydir ikki tomonlama kelishuvlarni qayta ko‘rib chiqishi mumkin, lekin ko‘p tomonlama bitimlarini hurmat qiladi. Jahon savdo tashkiloti qoidalari muhokama qilinmaydi", - dedi Makron.

U shuningdek Amerika prezidentini qat’iy va kuchli shaxs sifatida e’tirof etdi. "Shu bilan birga u ochiq va pragmatik hamdir. Eshita oluvchi va to‘g‘risini gapiruvchi haqiqiy realist", - dedi Fransiya prezidenti.

Makronning so‘zlariga ko‘ra, Taormindagi G7 sammitida demokratiya etakchilari qadriyatlar jamiyati qanday bo‘lishini namoyon qilishdi, Tramp ham buning bir bo‘lagidir.

"U chetda turmaydi, u o‘z rolini bajaradi", - deya ta’kidladi fransuzlar rahbari.

27 may kuni Italiyaning Taormin shahrida "Katta ettilik" sammiti bo‘lib o‘tdi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Makron: Tramp dunyo qoidalarini buzmaydi