Amerikalik yigit Kubik Rubikni 11,56 soniyada ko‘zi bog‘liq holda yechib rekord o‘rnatdi

1 daqiqa o'qish141
Amerikalik yigit Kubik Rubikni 11,56 soniyada ko‘zi bog‘liq holda yechib rekord o‘rnatdi

Amerikalik spidkuber Tommi Cherri Kubik Rubikni ko‘zi bog‘langan holda atigi 11,56 soniyada yechib, Ginnesning jahon rekordini yana o‘z nomiga qaytardi.

21 yoshli Cherri ushbu natijani 2026 yil 28 iyun kuni AQSHning Nyu-Jersi shtatidagi Branchburg shahrida o‘tkazilgan Mid-Atlantic Quiet Championship 2026 musobaqasida qayd etdi. U 3×3×3 o‘lchamdagi Kubik Rubikni ko‘zi bog‘liq holda yechish bo‘yicha yangi jahon rekordini o‘rnatdi.

Cherri bu natija bilan avstraliyalik Charli Egginsga tegishli bo‘lgan avvalgi rekordni yangiladi. Eggins 2026 yil 10 yanvar kuni Sidneydagi musobaqada Kubik Rubikni 11,67 soniyada yechib, rekord o‘rnatgan edi.

Qizig‘i, amerikalik spidkuber jahon rekordini ilk bor 2021 yilda qayd etgan. O‘sha vaqtda u ko‘zi bog‘langan holda Kubik Rubikni 15,27 soniyada yechgan. Keyingi yillarda Cherri natijalarini muntazam ravishda yaxshilab, rekord vaqtini bir necha bor qisqartirib bordi.

Cherri va Charli Eggins ko‘zi bog‘langan holda 3×3×3 Kubik Rubikni yechish bo‘yicha eng tez o‘rtacha natija rekordini ham birgalikda ushlab turibdi. Ularning o‘rtacha natijasi 14,05 soniyani tashkil etadi.

Yangi rekordidan so‘ng Tommi Cherri o‘z natijasidan mamnunligini bildirdi. U jahon rekordini yana qaytarib olganidan xursand ekanini aytib, bu 2024 yildan keyingi birinchi rekordi ekanini ta’kidladi.

Sportchi kelgusida ham natijalarini yanada yaxshilashga va ushbu rekordni uzoq yillar davomida saqlab qolishga umid qilmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?