12:02 / 24.08.2017
7 330

Saudiya Arabistonida Qurbon hayiti sanasi e’lon qilindi

Saudiya Arabistonida Qurbon hayiti sanasi e’lon qilindi
Kecha dunyoning bir qator musulmon o‘lkalarida bu yilgi Qurbon hayiti sanasi aniq bo‘ldi. Jumladan, Saudiya Arabistoni Oliy Mahkamasining Tvitterdagi sahifasi Zulhijja oyi hiloli ko‘rinmaganini tasdiqladi. Bu haqida Khaleej Times nashri xabar bermoqda.

21 avgust kuni hijriy taqvim bo‘yicha Zulqa’da oyining 29 kuni ekanligi va dushanba kuni yangi oy kuzatilishi haqida avval xabar bergan edik. An’anaga muvofiq, dunyoning bir qator davlatlarida kecha oqshomda yangi oyni kuzatish uchun maxsus hay’atlar ish olib borgan.

Xususan, Saudiya Arabistonida yangi oy ko‘rinmagani uchun 22 avgust Zulqa’da oyining 30-kuni deb e’lon qilindi. 23 avgust, chorshanba kuni esa Zulhijja oyining boshlanishi deb belgilandi. Shunga ko‘ra, 1438 hijriy yilda Qurbon hayiti 1 sentyabr – juma kuniga to‘g‘ri kelishi oydinlashdi. Oliy Mahkama yangi oy ko‘rinmaganini e’lon qilish uchun bugun majlis o‘tkazishi kutilmoqda.

Saudiya Arabistonidan tashqari BAA, Qatar va Quvayt mamlakatlari ham 1 sentyabrni Qurbon hayiti deb e’lon qilgan. O‘zbekistonda har yili hayit arafasida Astronomiya instituti ma’lumoti va O‘zbekiston musulmonlari diniy idorasi murojaati asosida «Qurbon hayitini nishonlash to‘g‘risida»gi prezident qarori e’lon qilinadi.


Manba: Sof.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Saudiya Arabistonida Qurbon hayiti sanasi e’lon qilindi