“Tog’ marvaridi”: Rossiya yulduzlari Ramzan Kadirovning qizi tomonidan yaratilgan liboslarga maftun bo’lishdi

Rossiya yulduzlari orasida Valeriya, Olga Buzova, Lena Lenina kabi taniqli shaxslar Checheniston davlat rahbari Ramzan Kadirovning qizi Ayshat Kadirova tomonidan yaratilgan liboslar taqdim etilgan moda namoyishidan keyin ochiq-sochiq liboslardan voz kechib, to’plam tarkibidagi bir nechta ko’ylaklarni sotib olishga qaror qilganlarini ta’kidlashdi.

Ayollar uchun yaratilgan liboslar to’plami “Tog’ marvaridi” nomi bilan Chechenistonning “Firdaws” modalar uyi tomonidan taqdim etilgan. Eslatib o’tamiz, ushbu modalar uyi davlat rahbari Ramzan Kadirovning qizi Ayshat tomonidan boshqariladi.

Xabarda aytilishicha, kuni kecha bo’lib o’tgan moda tadbiriga modelyer Vyacheslav Zaytsev, Katya Lel, reper Timati, Yana Rudkovskaya, Larisa Dolina kabi ko’plab yulduzlar tashrif buyurishgan, deyiladi xabarda.
“Zamin” yangiliklarini “Vkontakti”da kuzatib boring