Xitoyda mashina haydamaganlarga pul to‘lanadi

Pekindagi atrof-muhit ifloslanishiga qarshi kurash doirasida mashinasini haydashdan voz kechib, jamoat transportida yurishga o‘tadiganlarni rag‘batlantirish usuli qo‘llanilmoqda.

Mashinasi 24 soat davomida to‘xtash joyida turgan haydovchilarga “WeChat” internet ilovasi orqali kuniga 0,2dan 0,7 yuangacha haq to‘lanadi. Pekindagi havo ifloslanishida avtomobillardan chiqariluvchi karbonat angidrid katta o‘rin tutadi. Shu tufayli mahalliy hukumat ko‘chalardagi mashinalar sonini kamaytirish va atmosferaga zararli gazlar chiqarilishining oldini olish uchun turli usullarni qo‘llab ko‘rmoqda.