Ko‘p qavatli uyning balkonida osilib qolgan bolani qutqargan, Parijda hujjatsiz yashab kelgan malilik muhojir Mamudu Gassama yong‘in xavfsizligi xizmatiga ishga kiradi va unga Fransiya fuqaroligi beriladi. Bu haqda Fransiya prezidenti Emmanuel Makron Yelisey saroyida muhojir yigit bilan uchrashganidan so‘ng Twitter sahifasida ma’lum qildi, deb yozmoqda «Daryo».
Makron qahramonlik ko‘rsatgan yigitni Parij yong‘in xavfsizligi va qutqarish xizmatlari o‘z safiga qabul qilishga tayyor ekanini ma’lum qilgan. «Men unga naturalizatsiyaga (fuqarolik olishga) hujjat topshirishni taklif qildim. Zero, Fransiya — bu iroda, janob Gassama esa o‘zining irodali ekanini isbotladi!» — dedi prezident.
Mamudu Gassama Parijda hech qanday hujjatlarsiz yashab kelgan. Sodir etgan qahramonligidan keyin Fransiyada Gassamaga fuqarolik berish haqida onlayn-petitsiya e’lon qilingan.
France 24 kanalining ma’lum qilishicha, balkonda osilib qolgan bolani qarovsiz qoldirgan ota-onaga nisbatan ish ochilgan. Ular 2 yil qamoq jazosiga hukm qilinishi yoki 30 ming yevro miqdorida jarimaga tortilishi mumkin. Tergov ishlari yakuniga yetgunga qadar bola davlat qaramog‘ida bo‘ladi.
Avvalroq Gassamaning bolani qutqargani aks etgan video e’lon qilingan edi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
AQSHda og‘ir-bosiqligi bilan mashhur bo‘lgan alligator o‘g‘irlab ketildi (foto)
ISHIDga aloqadorlikda gumonlangan o‘zbekistonlik AQSHda 2 yil erkin yashagani aniqlandi
“Ot aylanib qozig‘ini topadi” deyishardi, men “qozig‘imni” topolmadim (Hayotiy hikoya)
U-23 Osiyo kubogi. Iroq 3-o‘rinni va Parij Olimpiadasi yo‘llanmasini qo‘lga kiritdi
Istanbul: rasmiylar bosh maydondagi norozilik namoyishini tarqatib yubordi
Ayollar erkaklarga qaraganda uzoqroq yashashadi, lekin...
Indoneziya ustidan irodali g‘alabani qo‘lga kiritgan Iroq Olimpiada litsenziyasiga ega chiqdi (video)