Sobiq siyosatchi, 2003-2011 yillarda AQShning Kaliforniya shtati gubernatori bo‘lgan Arnold Shvarsenegger 16 iyul kuni bo‘lib o‘tgan Donald Tramp hamda Vladimir Putin ishtirokidagi uchrashuv haqida munosabat bildirar ekan AQSh rahbarini keskin tanqid qilgan videomurojaatni e’lon qildi.
«Janob Tramp, hozirgina sizning ishtirokingizdagi matbuot anjumanini ko‘rdim. Siz u yerda «ammamning buzog‘i»ga o‘xshab turdingiz va o‘zingizni xuddi Putinning fanatidek tutdingiz. Putindan dastxat so‘ramasaydingiz yoki u bilan selfiga tushmasaydingiz, deb qo‘rqib turdim.
Bu anjumanda siz bizning razvedkamizni, huquq tizimimizni sotdingiz. Eng dahshatlisi, siz vatanimizni sotdingiz. Sizga nima bo‘ldi? Ronald Reygan Berlin devori oldida turib: «Janob, Gorbachev, bu devorni buzib tashlang», degandi. O‘sha buyuk so‘zlardan nima qoldi axir?»,- deyiladi murojaatda.
Avvalroq Shvarsenegger Putin bilan uchrashuvda Trampni «qaynatilgan makaron»ga o‘xshatgandi.
Tramp Xelsinkida o‘tgan Putin bilan uchrashuvdan keyin keskin tanqidlar ostida qolib ketdi. Amerikaliklar Rossiyani o‘zlariga raqobatchi yoki ittifoqchi emas, dushman sifatida bilishadi. Trampning ruslarga, xususan Putinga nisbatan yumshoq munosabati esa AQSh fuqarolarining g‘azabini keltirmoqda. AQSh matbuoti ko‘plab amaldagi va sobiq siyosatchilarning Trampni tanqid qilgan chiqishlarini e’lon qilishdan to‘xtamayapti.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Toshkentda 02 kodli avtoraqamlar taxminan qachon paydo bo‘lishi aytildi
Qaysi kundalik odatlar immunitet pasayishiga olib kelishini bilasizmi?
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Lukashenko G‘arbga tahdid bilan chiqdi