Rossiya prezidenti matbuot kotibi Dmitriy Peskov “Rossiya 1” telekanaliga bergan intervyusida Vladimir Putinning ukrainalik hamkasbi Pyotr Poroshenko bilan 2015 yildagi “normand toʻrtligi” uchrashuvidagi muzokaralari haqida yangi maʼlumot berdi. Peskovning soʻzlari RIA Novosti tomonidan keltirilgan.
Suhbat chogʻida Kreml rasmiy vakilidan muzokaralarda ishtirok etgan Fransiya sobiq prezidenti Fransua Ollandning xotiralariga izoh berish soʻraldi. Fransiya sobiq prezidenti Putin Poroshenkoga tahdid qilgani haqida yozgandi.
“Mushkul muzokaralar vaqtida hamda Ukrainada Poroshenko tomonidan keltirib chiqarilgan jangovar harakatlar davomida Putin, albatta, unga yoqimli soʻzlarni aytmagan. Siz tasavvur qilishingiz mumkinki, Putin qattiq, aniq va juda tushunarli tarzda gapirgan. Lekin, albatta, bunday tahdid boʻlmagan”, - deya maʼlum qildi Peskov.
Ollandning “Hokimiyat saboqlari” deb nomlangan xotira kitobi 2018 yilda nashr etildi. Ukrainaning Gordon.ua nashri kitobdan baʼzi qismlar tarjimalarini keltirdi. Xususan, Minskda Rossiya, Ukraina, Fransiya va Germaniya rahbarlarining uchrashuvi tasvirlangan parchalar ham taqdim etilgan.
“[Ukraina prezidenti Pyotr] Poroshenko va Putin muntazam ravishda bir-biriga baland ovozda gapirdilar. Rossiya prezidenti shunchalik asabiylashdiki, oʻz hamkasbini yanchib tashlash bilan tahdid qila boshladi. Bu Ukraina sharqida rus qoʻshinlari borligini isbotlab berdi. Putin birdan oʻziga keldi va hissiyotlarini qoʻlga oldi”, - deb yozadi Olland.
“Poroshenko oʻz mamlakatining suverenitetini qatʼiyat bilan himoya qildi, Putin esa baʼzi viloyatlar uchun muxtoriyatga erishmoqchi hamda oʻt ochishni toʻxtatish rejimini yana uch haftaga ortga surmoqchi edi. U juda qatʼiy edi, ayirmachilar rahbarlari bilan bevosita aloqasi yoʻqligini taʼkidlab, ular uchun qaror qabul qila olmasligini aytdi va ular bilan maslahatlashishni talab qildi”, - deya davom etadi Fransiya sobiq prezidenti.
Eslatib oʻtamiz, avvalroq Putin Poroshenkoga tahdid qilgani haqida maʼlumotlar paydo boʻlgandi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Fon der Lyayen Putinning «ishonli odamlari» bilan hamkorlikni istisno etdi
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi
Timur Kapadze Yaponiyaga qarshi kechadigan final uchrashuvi oldidan nimalar dedi?
AQSHda Falastinni qo‘llab namoyishga chiqqani uchun hibsga olingan talabalar soni 900 nafardan oshdi
Prezidentning yangi qarori bo‘yicha ma’lumot berildi
Keniyada to‘g‘on buzilishi oqibatida 42 kishi halok bo‘ldi
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin