Yangi Zelandiya sohillarida antiqa jonzot topildi (foto)

Yangi Zelandiyaning Oklend shahri sohilboʻyida noodatiy jonzot topildi.

Pushti rangdagi “mahluq”qa mahalliy plyajlardan birida dam olayotganlar duch kelishgan. Ular topilgan jonzot qimirlab-qimirlab qoʻyayotganini eʼtibor qaratishgan.

Foto: Adam Dickinson
Keyinroq maʼlum boʻlishicha, topilgan “mahluq” sertuk sianeya – ulkan meduza boʻlgan. Taʼkidlanishicha, ushbu meduzaning gumbazi diametri 2 metrgacha, paypaslagichlari uzunligi esa 20 metrgacha yetishi mumkin. Bu turdagi meduzalar plankton, mayda baliq va boshqa mitti dengiz jonzotlari bilan oziqalanadi hamda Atlantika va Tinch okeanlari dengizlarida yashaydi. “Zamin”ni Telegramʻda oʻqing!