AQSH hukumati grin-karta berish jarayonini qatʼiylashtirmoqchi

AQSH hukumati xorijliklarga grin-karta va viza berish jarayonini murakkablashtirmoqchi. Bu haqda “Kun.uz” xabar berdi.

Maʼlum qilinishicha, tegishli qonun loyihasida mamlakatda qonuniy asosda yashayotgan muhojirlarning ijtimoiy himoyadan - Medicaid dasturi asosida ijtimoiy sugʻurta, bolalar tibbiy sugʻurtasi, oziq-ovqat talonlari, ijtimoiy turarjoy va boshqa imtiyozlardan foydalangan qismiga viza yoki grin-karta berishni rad etish nazarda tutilgan.

Alohida holatlarda fuqarolikka daʼvogardan 10 ming dollargacha boʻlgan miqdordagi mablagʻni depozit qilish soʻralishi mumkin. Bu orqali hukumat daʼvogar shaxs keyinchalik oʻzini oʻzi taʼminlay olishiga kafolat olmoqchi. “Zamin”ni Telegramʻda oʻqing!