15:43 / 28.12.2014
39 703

Toshkentdagi to‘y korteji avtomobillarining bezoriliklari tanqidga olindi

Toshkentdagi to‘y korteji avtomobillarining bezoriliklari tanqidga olindi
Facebook’dagi «Voditeli Tashkenta» guruhi a’zolaridan biri to‘y korteji avtomobillarining bezoriliklari aks etgan videolavhani tarmoqqa chiqardi, deya yozadi Daryo.uz.

Videoga olingan to‘y korteji oldidagi qora rangli ikki Lacetti yo‘lda keskin harakatlar sodir etib, avtomobillar harakatlanishiga to‘sqinlik qilgan. Jumladan, ular katta tezlikda ketayotib, birdaniga to‘xtagan va orqaga burilib olgan, shuningdek, qarama-qarshi yo‘nalishda harakatlangan. Bu vaqtda yo‘lda ketayotgan boshqa avtomobillar bilan to‘qnashib ketishiga oz qolgan. Bundan tashqari, to‘y kortejining ko‘p sonli avtomobillari yo‘lda harakatlanishni butunlay to‘sib qo‘ygan.

Kortej oldidagi avtomobillarning harakati va umuman kortejning yo‘lni to‘sib qo‘yishi guruh a’zolari tomonidan keskin tanqid ostiga olingan. Jumladan, transport vositalarining harakatlanishiga xalal bergan avtomobil haydovchilarini jazolashga chaqirilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Toshkentdagi to‘y korteji avtomobillarining bezoriliklari tanqidga olindi
[/banner_pushhouse