Cho‘lda aqlli blokcheyn-shahar quriladi (foto)

^{Foto: «Dezeen»}
Kriptovalyutalar millioneri Jeffri Byorns Nevada cho‘lida (AQSh) aqlli blokcheyn-shahar — «Innovation Park» qurishni rejalashtiryapti.

«Xabar» nashri yozishicha, Byorns 271 kvadrat kilometr yer maydoni uchun 170 million dollar to‘lagan. Hududda Byorns boshqarayotgan «Blockchains» kompaniyasining shtab-kvartirasi qurib bo‘lingan. Undan sal narida — «Google», «Apple» va «Tesla» kampuslari.

^{Foto: «Dezeen»}
Aqlli shaharda kompaniyalar ofislari va turarjoylar quriladi. Umumiy infratuzilma va energiya taqsimoti blokcheyn orqali boshqariladi.

Kelgusida ushbu shaharda sun’iy tafakkur, nanotexnologiyalar va 3D-chop etish ham joriy etiladi.

Hozircha shaharni qurishga Byorns o‘z pullarini ishlatyapti (birinchi bosqichda 300 mln. dollar), boshqa investorlar haqida ma’lumot yo‘q. “Zamin”ni Telegramʻda oʻqing!