16:30 / 30.12.2014
6 187

KXDR Qrimning Rossiyaga qo‘shib olinganini ma’qulladi

KXDR Qrimning Rossiyaga qo‘shib olinganini ma’qulladi
Rasmiy Pxenyan Qrimning Rossiyaga tarkibiga qo‘shib olinganini ma’qullaydi va bu o‘zini oqlagan harakat deb hisoblaydi. Bu haqda, Shimoliy Koreya Tashqi ishlar vazirligi Matbuot va axborot departamenti direktori Chjon Don Xakning intervyusiga asoslanib, “TASS” xabar bermoqda.

Shimoliy koreyalik amaldor Ukrainadagi voqealar munosabati bilan Rossiya xalqiga o‘z marralarini munosib himoya qilishni tilab, hozirgi vaqtda Rossiyaga qarshi xalqaro kampaniya “AQSh va G‘arb mamlakatlari” tomonidan uyushtirilganini ta’kidlagan.

Chjon Don Xakning so‘zlariga ko‘ra, rasmiy Pxenyan “o‘z milliy manfaatlari uchun qat’iy kurashayotgan Rossiyaning nuqtai nazarini adolatli deb hisoblaydi”.

Diplomat, shuningdek, zamonaviy jahon siyosatini beqarorlashtirib turgan omillarni ham sanab o‘tgan. Unga ko‘ra, bu – Ukrainadagi siyosiy inqiroz va Yaqin Sharqda “Islom davlati” terrorchilik tashkilotining borligi.

Bundan tashqari, Chjon Don Xak KXDR Rossiya bilan do‘stlik va hamkorlik aloqalarini rivojlantirish niyatida ekanligini ma’lum qilgan. Xususan, 2015 yilning mayida, Ikkinchi Jahon urushida erishilgan g‘alabaning 70 yilligi tantanalarida Shimoliy Koreya etakchisi Kim Chen In Moskvaga kelishi kerak. Bu uning KXDR etakchisi sifatida ilk xorij safari bo‘ladi.

Qrim 2014 yilning mart oyida, yarimorolda mintaqaning maqomi xususida o‘tkazilgan referendumdan so‘ng Rossiya tarkibiga qo‘shib olingan edi. Rasmiy Kiev, shuningdek G‘arb davlatlari ushbu qarorni qoralashgan – Evropa Ittifoqi a’zolari va NATO Rossiyani Ukrainaning ichki ishlariga qurolli yo‘l bilan aralashishda ayblab chiqishgan.

Manba: Kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » KXDR Qrimning Rossiyaga qo‘shib olinganini ma’qulladi
[/banner_pushhouse