Foto: «TASS»
Qirg‘iziston sobiq rahbari Almazbek Atambayev 7 aprel kuni Bishkekda bo‘lib o‘tgan mitingda ishtirok etdi, deya xabar beradi «Daryo».
O‘zining yarim soatlik nutqida u, xususan, amaldagi prezident Sooronbay Jeyenbekovni tanqid qilgan.
Almazbek Atambayev bu yil 63 yoshini nishonlashini ma’lum qilgan.
«Men o‘zimni farishta demayman: men xato qilganman, odamlar oldida aybdorman. Lekin haqiqiy musulmon sifatida doim aybimni tan olaman. Xalqni aldash mumkin, deb yolg‘on gapirmayman», — deya boshladi o‘z nutqini sobiq-prezident.
Uning so‘zlariga ko‘ra, bundan 30 yil avval u boyib ketgan, shuning uchun shahar markazida masjid qurilishi uchun yer sotib olishga qaror qilgan. Shuningdek u shahar atrofidan korxonalar sotib olgan.
«Men hayotning barcha qiyinchiliklarini ko‘rdim. Menga hozir boylik ham hokimiyat ham kerak emas. Menga Qirg‘izistonda toza va adolatli hokimiyat kerak. Yoshlarning qoni zoye to‘kilmasin», — dedi Atambayev.
Siyosatshunosning aytishicha, u mamlakatning taqdiri uchun tashvishda, chunki hozirgi hokimiyat begunoh fuqarolarni qamamoqda.
«Ular meni ham qamoqqa tashlashga urinmoqda. Undan ko‘ra meni otib tashlasin, faqat xalqimning qoni to‘kilmasin. Yolg‘on gapirmayman, aldandim. Atrofingda hamma Sooronbay sening do‘sting desa, qanday qilib aldanmasliging mumkin? Konstitutsiyada prezident fuqarolarning huquq va erkinliklari kafolati sifatida faoliyat yuritishi yoziladi. Ammo buning o‘rniga ular cheklanyapti», — dedi Almazbek Atambayev.
Qirg‘izistondagi vaziyatni keskinlashtirmaslik uchun sobiq prezident hukumatni to‘xtashga chaqirgan. Uning aytishicha, undan boshqa yana kimdir mamlakatdagi vaziyat haqida ochiqchasiga gapirishga jur’at qilolmaydi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
Kolumbiya Isroil bilan diplomatik aloqalarni uzdi
Yevropa Ligasi. “Bayer” safarda “Roma”ni taslim etdi, “Marsel” esa “Atalanta” bilan durang o‘ynadi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
2024 yilga subsidiya miqdori belgilandi