Yevropada aksiya: “Salom, men musulmonman!”

Belgiya Islom federatsiyasi “Salom, men musulmonman” nomli aksiya o‘tkazdi, deya xabar bermoqda “Azon.uz” nashri.

Aksiya doirasida musulmon yoshlar Bryussel, Antverpen, Sharleru, Gent, Lej va Namyur shaharlarida o‘n ming kishiga gullar va Islom dini haqida broshyuralar tarqatishdi. Bundan ko‘zda tutilgan maqsad – Belgiyada musulmonlarga nisbatan noto‘g‘ri tasavvurlarning oldini olish.

“Biz musulmonlar haqidagi salbiy tasavvurlarni yo‘qqa chiqarmoqchimiz”, – deydi tadbir tashkilotchilaridan Umar Siqier.

Xuddi shunday aksiya Germaniya, Avstriya, Shveysariya, Niderlandiya, Fransiya, Daniya, Shvetsiya, Norvegiya, Italiya, Avstraliya va Kanadada ham o‘tkazilmoqda. “Zamin”ni Telegramʻda oʻqing!