Leningradda yosh yigit o‘zbekistonlik fuqaroni unga tanbeh bergani uchun pichoqladi (video)

Rossiyaning Leningrad viloyatida 28 iyun kuni bir yigit o‘zbekistonlik muhojirga bir necha bor pichoq urdi. Buning sababi esa u o‘z mopedida ketayotib, muhojirga piyodalar o‘tish joyida yo‘l bermagani uchun tanbeh eshitgani bo‘ldi. Bu haqda «Novosti Uzbekistana» xabar berdi.

Xabarda aytilishicha, yosh yigit migrantning orqasidan do‘konga kirgan va u yerda unga musht tushirgan, ammo qarshi zarba olgach, muhojirga bir necha marta pichoq bilan urgan. Shundan so‘ng g‘oyib bo‘lgan.

Muhojir og‘ir holatda kasalxonaga keltirilgan. Shifokorlarning urinishlariga qaramay, u shifoxonada jon bergan. Ma’lum bo‘lishicha, uning yuragiga zarba berilgan. Marhumning ismi Xamatullo Roziqov ekani aniqlandi.

29 iyun kuni Jinoyat qidiruv bo‘limi xodimlari Sankt-Peterburgda 15 yoshli maktab o‘quvchisini qo‘lga oldi. U 49 yoshli O‘zbekiston fuqarosiga pichoq bilan hujum qilganlikda gumon qilinmoqda. “Zamin”ni Telegramʻda oʻqing!