Belgiya hukumatiga ilk bor ayol kishi rahbarlik qiladi

^{Sofi Vilmes}
Belgiyalik siyosatchi Sofi Vilmes qirollik bosh vaziri vazifasini bajaruvchi etib tayinlandi. Bu haqda qirollik saroyining Twitter sahifasida ma’lum qilindi. U Belgiya hukumati tarixida ushbu lavozimga tayinlangan ilk ayol bo‘ldi.

"Sofi Vilmes Bryusseldagi qirollik saroyida qabul qilindi. U bosh vazir lavozimiga tayinlanadi", - deyiladi xabarda.
AFP agentligining aniqlik kiritishicha, Vilmes Belgiya hukumati rahbari vazifasini bajaruvchi etib tayinlangan.

44 yoshli Sofi Vilmes ilgari Belgiya moliya vaziri lavozimida edi. U bosh vazir, Yevropa kengashining bo‘lajak rahbari Sharl Mishel o‘rnini egalladi. “Zamin”ni Telegramʻda oʻqing!