Rafiqasi bilan masofa saqlagan Robbi Uilyams karantindan chiqib, bolalarini bag‘riga bosdi (video)

^{Foto: Instagram/aydafieldwilliams}
46 yoshli xonanda Robbi Uilyams Avstraliyadan Los-Anjelesga qaytgach karantinda bo‘lishga majbur bo‘ldi. Robbi ushbu vaqtda turmush o‘rtog‘i Ayda Fild va 4 nafar farzandi bilan bir uyda ijtimoiy masofa saqlagan, deb yozadi Cosmopolitan.

Oila a’zolari yaqiniga kela olmaslik naqadar og‘ir ekaniga qaramay, xonanda va uning rafiqasi ushbu vaziyatga mas’uliyat va shu bilan birga hazil bilan yondashgan.

Buni Ayda Instagram sahifasiga joylagan videodan ham bilsa bo‘ladi. Qo‘shiqchining rafiqasi balkondan turib deraza ostidagi turmush o‘rtog‘i bilan suhbatlashgan. Ayda o‘zi va erini Shekspir asaridagi Romeo va Julettaga qiyoslagan.

View this post on Instagram

A Social Distancing Love Story ❤️ #socialdistancing #selfquarantine #modernlove @robbiewilliams

A post shared by Ayda Field Williams (@aydafieldwilliams) on Mar 15, 2020 at 10:48pm PDT

«O, Romeo, Romeo qayerdasan?», — deb so‘raydi Ayda, unga javoban Robbi «Shu yerda, pastdaman», deb javob beradi. Er-xotinning suhbatini ularning 7 yashar qizi Teodora qo‘shni balkondan kuzatib turadi. Robbi qizining sog‘lig‘i haqida qayg‘urib, unga balkonga chiqmaslikni ishora orqali tushuntiradi. Fild videoda aks etgan masofa so‘nggi vaqtlarda ular bir-biriga eng yaqin kelgan masofa ekanini ta’kidlaydi.

Ushbu video iliq mulohazalarga sababchi bo‘ldi, kuzatuvchilar juftlikni ushbu vaziyatga jiddiy mas’uliyat bilan yondashayotgani va yechim sifatida hazilni o‘rniga qo‘yayotganini olqishlab, pozitiv uchun minnatdorlik bildirgan.

Karantinga amal qilgan Robbi oradan 3 hafta o‘tib rafiqasi va farzandlari bilan uchrashdi. Ota va bolalarning bir-birini sog‘inch bilan bag‘riga bosishi aks etgan video bilan Ayda Instagram’ida bo‘lishdi.

View this post on Instagram

@robbiewilliams After 3 weeks...REUNITED!!!! So happy to have daddy home after separate quarantines #togetheratlast #quarantinelife #stayhome AWxx

A post shared by Ayda Field Williams (@aydafieldwilliams) on Mar 28, 2020 at 2:06pm PDT

«Oradan 3 hafta o‘tib biz yana birgamiz! Biz dadajonimiz bilan uzoq davom etgan karantindan so‘ng uchrashishdan bag‘oyat baxtiyormiz», — deb yozilgan izohda. “Zamin” yangiliklarini “Twitter”da kuzatib boring