Rossiya nega Qirg‘izistondagi harbiy bazasini kuchaytirmoqda?

Rossiya Qurolli Kuchlarining O‘rta Osiyodagi muhim tayanch nuqtalaridan biri - Kant qirg‘iz aviabazasi modernizatsiya qilinadi va qo‘shimcha qurollar bilan ta’minlanadi. Bu Rossiyaning mintaqadagi harbiy ishtirokini kuchaytirishning yagona belgisi emas va buni odatda Afg‘onistondagi asoratlarga qarshi kurashish sifatida talqin qilinadi. Biroq, hozir ma’lum bo‘lishicha, Afg‘oniston yagona sabab emas.

Qirg‘iziston parlamenti Rossiya bilan Kant aviabazasidan foydalanish bo‘yicha qo‘shimcha kelishuvni ratifikatsiya qilishga tayyorlanmoqda. Bu yil aviabazada uchuvchisiz samolyotlar ham paydo bo‘lgan va endi uni havo mudofaa tizimlari bilan kuchaytirishni rejalashtirishmoqda. Uchish-qo‘nish yo‘lagini Rossiya uni modernizatsiya qilishga kirishdi. Yangi shartnomaga binoan, ijara haqi 4,5 milliondan 4,8 million dollargacha oshadi, chunki aviabazaning maydoni 58 gektarga kengayadi. Uchish-qo‘nish yo‘lagini modernizatsiya qilishga Rossiya 2,5 milliard rubl sarflaydi: bu Qirg‘iziston parlamenti vakillari aytayotgan pul.

Yangi kelishuvda ushbu aerodrom vaqtincha Rossiya tasarrufiga o‘tkazilishi kerak. Uchish-qo‘nish yo‘lagini vaqtincha mulkka o‘tkazish to‘g‘risidagi ushbu banddan mahalliy qirg‘iz ommaviy axborot vositalarida shovqin ko‘tarilgan. Shuning uchun deputatlar dastlab 4 iyunga rejalashtirishgan ratifikatsiyani keyinga surishgan. Shu yil boshida Qirg‘iziston armiyasiga "Buk" zenit-raketa tizimi, Mi-8 vertolyotlari va boshqa qurollarni yetkazib berish haqida va’da qilingan edi.

Bir qator mahalliy jurnalistlarning ta’kidlashicha, bazani modernizatsiya qilish bilan Rossiya "bu hududni Qirg‘izistondan abadiy tortib oladi". Ushbu voqeaga ijtimoiy tarmoqlar faollari ham qo‘shilishdi. “Biz o‘z vatanimizni rus bosqinchilariga bermaymiz! Hamma Oq uydagi mitingga!” kabi shiorlar bilan ular qirg‘iz internetini to‘ldirib yuborishdi. Rossiya elchixonasi bunga rasmiy rad javobini berishga majbur bo‘ldi.

2019 yilda boshqa bir qo‘shni mamlakat - Tojikiston respublikasi armiyasiga ham beg‘araz qurol-yarog‘lar topshirilgani haqida xabar berilgan edi. 300 dona zirhli transport vositalari, artilleriya moslamalari, Mi-8 va Mi-24 vertolyotlari, havo mudofaa tizimlari va boshqa uskunalar yetkazib berildi. Shuningdek, tojik tomoni bilan Tojikistonda joylashtirilgan Rossiyaning 201-harbiy bazasi hududida 20 dan ortiq ob’ektlarni qurish to‘g‘risida kelishuvlarga erishilgan. O‘tgan yildan boshlab harbiy dronlar ham joylashtirila boshlandi.

Boshqacha qilib aytganda, Kant aviabazasini modernizatsiya qilish - bu ko‘p voqealar zanjirining yana bir bo‘g‘ini. Savol tug‘iladi: Rossiya Markaziy Osiyoda harbiy mavqeini mustahkamlashga intilishining asl sababi nima?

Manba: Azon.uz “Zamin”ni Telegramʻda oʻqing!