Foto: «RIA Novosti»
Tan olinmagan respublika atrofidagi mojaroda Turkiya tomonidan qo‘llab-quvvatlanayotgan Ozarbayjon muzokaralar yo‘lidan bormasligi oydinlashsa, Armaniston Tog‘li Qorabog‘ mustaqilligini tan oladi. Bu haqda Armaniston prezidenti Armen Sarkisyan «Kommersant’»ga bergan intervyusida ma’lum qildi.
«Ya’ni Armaniston tomonidan tan olinmasligi faqat Armaniston tomoni masalani tinch muzokaralar yo‘li bilan hal qilmoqchi ekanligiga bog‘liq. Bu shunaqa tunnel», — dedi Sarkisyan.
Armaniston prezidenti so‘zlariga ko‘ra, «agar bu tunnel oxirida yorug‘lik bo‘lsa, ya’ni Tog‘li Qorabog‘ muammosini tinch yo‘l bilan uzil-kesil hal qilishning yorug‘ligi bo‘lsa, unda yana biroz kutish mumkin».
Sarkisyanning ta’kidlashicha, Armaniston Oliy kengashi sobiq ittifoq tarqalishidan sal avvalroq Tog‘li Qorabog‘ni tan olishni yoqlab ovoz bergan. Ammo 1994 yilda, Boku va Yerevan o‘t ochishni to‘xtatishga kelishib olganidan keyin Armaniston tomoni nizoni tartibga solish bo‘yicha Minsk jarayonini murakkablashtirmaslik va hududning yakuniy maqomi haqida keyinroq kelishib olish uchun, mustaqillikni tan olishni to‘xtatib qo‘ygan.
Yerevan Tog‘li Qorabog‘ mustaqilligini tan olish imkoniyatini ko‘rib chiqayotgani haqida Armaniston bosh vaziri Nikol Pashinyan ma’lum qilgan edi. U masala respublika hukumati kun tartibida turganini va mavzu, shu jumladan, xalq tomonidan ham muhokama qilinishi kerakligini aytgandi.
Ozarbayjon prezidenti Ilhom Aliyev esa Boku har qanday vaziyatda ham Tog‘li Qorabog‘ mustaqilligini tan olmasligini ta’kidlagan edi. Uning so‘zlariga ko‘ra, u kimdir Tog‘li Qorabog‘ mustaqilligini tan olishga qaror qilishiga ishonmasligini aytgandi. «U holda biz bu mamlakat bilan barcha diplomatik aloqalarni shu zahotiyoq uzamiz», — dedi Aliyev.
Eslatib o‘tamiz, Tog‘li Qorabog‘da keng qamrovli jangovar harakatlar 27 sentabrdan buyon davom etmoqda. Ozarbayjon va Armaniston 10 oktabr kuni soat 12:00 dan boshlab Tog‘li Qorabog‘da o‘t ochishni to‘xtatish to‘g‘risida kelishib olgandi. Ammo shu kuni keyinroq Armaniston va Ozarbayjon Mudofaa vazirliklari bir-birini Tog‘li Qorabog‘da o‘t ochishni to‘xtatish rejimini buzishda aybladi.
Avvalroq Ozarbayjon Armanistonni yangi sulhni buzishda ayblab, Tog‘li Qorabog‘ janubiga hujum boshlagan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi