Foto: «Bild»
«Bild» nashri jurnalistlari qachonlardir Rossiyaning hozirgi prezidenti Vladimir Putin Drezden (Germaniya)da yashagan xonadonga kirishga muvaffaq bo‘lishdi.
Kreml sohibi 1985 yilning kuzidan 1991 yilning martigacha Drezdendagi Radeberger shtrasse (ko‘chasi)da joylashgan olti qavatli panel uyning 4-qavatidagi xonadonda xotini va bolalari bilan yashagan. Putin o‘sha paytlarda KGBning Drezdendagi xodimi edi.
Foto: «Bild»
66 kvadrat metrli kvartira — uch xonali, oshxonasi, sanuzeli, balkon va saqlovxonasi bor. Xonadon markaziy isitish tizimiga ulangan, elektr plita o‘rnatilgan.
Yorg Hofmann. Foto: «Bild»
1991 yil boshlarida Putin sobiq Ittifoqqa oilasi bilan qaytgach, uning o‘rniga ko‘chib kirgan mebelsoz usta Yorg Hofmann hanuz shu yerda umrguzaronlik qiladi.
Foto: «Bild»
O‘shanda Vladimir Putinning rafiqasi Lyudmila kvartira bilan tanishtirganini Yorg Hofmann kechagidek eslaydi. «Hammayoqqa qora rus mebeli qo‘yilgan, devorlarga GDRga xos aluminiy oboylar yopishtirilgan, polga qaymoqrang gilam to‘shalgandi», — deydi Hofmann.
Vladimir Putin qizchasi bilan Drezdendagi xonadonida.
1991 yilning mart oyida kvartiraning kalitini yangi ijarachiga Vladimir Putinning shaxsan o‘zi topshirgan. «O‘n yoki o‘n ikki nafarcha rus askari mebellarni taxlab, yog‘och qutilarga joylashgandi. Ayniqsa, katta kir yuvish mashinasi ularga dahmaza bo‘lgandi. Oltovlashib pastga arang olib tushishgandi», — eslaydi Hoffman.
Yorg Hofmann ham ijara pulini xuddi Putin kabi to‘lagan: uy uchun — 58,90 nemis markasi (DEM) hamda issiq suvga — 9,80, issiqlikka — 26,20, oyiga jami — 94,90 nemis markasi.
Oddiy nemis (balki Putinning) vannaxonasi. Foto: «Bild»
Oradan salkam 30 yil o‘tsa hamki Yorg Hofmann Vladimir Putindan keyingi tanho ijarachi ekanidan qanoatlanadi. «Faqat ba’zida rus sayyohlari o‘tirgan avtobuslar uy ro‘parasida to‘xtab o‘tishi asabimga tegadi. Ular bu yerni Putinning uy-muzeyi deb o‘ylashadi, shekilli», — istehzoli kuladi mebelchi.
Yorg Hofmann hali hech birovni o‘z xonadoniga ekskursiya uyushtirish uchun kiritmagan. Hatto Putinning ashaddiy raqibi Aleksey Navalniyni ham. Hofmanning aytishicha, Rojdestvo arafasida uy atrofida Navalniy tansoqchisi bilan aylanishib yurganini ko‘ribdi. Mebelchining gumonicha, Navalniy hujjatli film olayotgan bo‘lgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
U-23 Osiyo kubogi. Norchayev finalda gol ursa, to‘purar bo‘lishi mumkin
Rossiya qo‘shinlari Nigerdagi AQSH bazasiga joylashdi
Prezidentning yangi qarori bo‘yicha ma’lumot berildi
Gruziya poytaxtida namoyishchilar va politsiya o‘rtasida to‘qnashuv yuz berdi
NATO rahbari: “Ukrainaga bergan va’damizni bajarmadik”
Ukraina Qurolli kuchlari qo‘mondonlari g‘alabaga ishonishni to‘xtatishdi