Foto: Georgia DOT
AQSHning Jorjiya shtatida yuk mashinasi ko‘tarilgan tirkamasi bilan estakadaga urilib, uni ikki metrga siljitib yubordi. Endilikda estakadani buzib tashlab, qaytadan qurishga to‘g‘ri keladi — konstruksiyani ta’mirlashning imkoni yo‘q. Hozircha esa magistral ikkala yo‘nalish bo‘yicha to‘liq yopilgan, haydovchilar o‘nlab kilometrli aylanma yo‘ldan harakatlanishga majbur, deb xabar beradi Motor.
Katta samosval-yarim tirkamali yuk mashinasi tungi soat 03:00 da Jorjiya shtatining I-16 avtomagistralidagi shtatlararo estakadaga kelib urilgan. Yarim tirkamaning kuzovi ko‘tarilgan bo‘lgani sabab u estakadaga kelib urilgan. Zarba shu qadar kuchli bo‘lganidan estakada 1830 millimetr yonga siljib ketgan. Yuk mashinasi kuzovi ko‘tarilgan holda butun yo‘l bo‘ylab harakatlanganmi yoki u keyinchalik ko‘tarilganmi noma’lum. Tirkamani qayta tiklab bo‘lmaydi, mashinaga esa deyarli hech narsa qilmagan — xuddi haydovchi kabi. Avariya oqibatida 16-avtomagistral bo‘ylab harakat to‘liq yopilgan.
Estakada Savanna va Meykon shaharlari orasidagi yo‘lning taxminan o‘rtasida joylashgan. Jorjiya shtati Transport departamenti komissari Rasel Makmerrining ma’lum qilishicha, magistralni qayta ochishning eng tez yo‘li — estakadani buzib tashlab, qaytadan qurish. Buzish ishlari 21 iyulga sanasiga rejalashtirilgan, yangi estakada qachon qurilishi esa hozircha aniq emas. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi