Bloomberg agentligi 1 dekabr kuni 2021 yil bo‘yicha dunyoning eng obro‘li insonlar ro‘yxatini e’lon qildi, deb xabar beradi «Korrespondent.net».
Ta’kidlanishicha, har yili taqdim etiladigan ro‘yxatga 2021 yilda erishgan yutuqlari «e’tirofga loyiq» bo‘lgan biznes, ko‘ngilochar, moliya, siyosat, fan va texnologiya sohalari vakillari kiritilgan.
Shunday qilib, Pfizer farmatsevtika kompaniyasi bosh direktori Albert Burla boshqalar qatori «Biznes» bo‘limiga kiritildi. Ma’lum qilinishicha, korxonaning BioNTech kompaniyasi bilan hamkorlikda erishgan yutug‘i — COVID-19 ga qarshi vaksina bo‘yicha 36 milliard dollardan ortiq tuzgan bitimi hisoblanadi va u «yilning eng ko‘p sotilgan farmatsevtika mahsuloti»ga aylangan.
«Moliya» bo‘limiga, xususan, dunyoning eng badavlat insonlaridan biri, Amazon rabari Jeff Bezosning sobiq rafiqasi Makkenzi Skott ham kiritilgan. U ajrashganidan so‘ng, 800 ga yaqin xayriya tashkilotlariga qariyb 8,6 milliard dollar xayriya qilib, eng saxiy filantrop nomiga ega bo‘lgan.
«Siyosat» bo‘limiga boshqalar qatori rossiyalik muxolifatchi Aleksey Navalniy ham kiritilgan. «Kremlning ashaddiy tanqidchisi 10 oydan ortiq vaqtdan beri qamoqda saqlanmoqda», — deya ta’kidlaydi agentlik.
«Fan va texnologiya» bo‘limining boshida TikTok ijtimoiy tarmog‘ining bosh operatsion direktori Vanessa Pappas ko‘rsatilgan. Uning yutuqlari qatoriga birinchi yarim yillik davomida TikTok asosiy raqiblari Instagram (17,7 million) va Snapchat (14,2 million)ni qo‘shib hisoblaganda ham AQSHda eng ko‘p yuklab olingan (34,6 million) mobil dasturga aylangani ko‘rsatilgan.
«Ko‘ngilochar» bo‘limidan esa besh oylik sud jarayonlaridan so‘ng, noyabr oyida otasining vasiyligidan qutilgan qo‘shiqchi Britni Spirs o‘rin olgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
