Putin Sovet Ittifoqining parchalanishini fojia deb atadi

Rossiya prezidenti Vladimir Putin Sovet Ittifoqining parchalanishini fojia, tarixiy Rossiyaning parchalanishi sifatida qabul qilishini aytdi. Putin ushbu fikrni “Rossiya-1” telekanalida efirga uzatilgan “Rossiya. Eng yangi tarix” filmida aytib o‘tgan.

“Mamlakat fuqarolarining aksariyati uchun xuddi shunday fojia, – dedi u SSRIning parchalanishi shaxsan o‘zi uchun nimani bildirishi haqidagi savolga javob berar ekan. – Axir, Sovet Ittifoqining qulashi nima? Bu Sovet Ittifoqi deb nomlangan tarixiy Rossiyaning parchalanishidir”.

U mamlakat hududining 40 foizini, taxminan shuncha ishlab chiqarish quvvati va aholisini yo‘qotganini aytdi.

Putinning ta’kidlashicha, Sovet Ittifoqi parchalanishi bilan “25 million rus xalqi birdaniga xorijda – mustaqillik va suverenitetni qo‘lga kiritgan sobiq sovet respublikalarida bo‘lib qolgan”.

“Ular (ya’ni respublikalar) uchun bu yaxshi, lekin o‘zi xohlamagan holda xorijda bo‘lib qolgan odamlar uchun, albatta, yomon. Ular qayta olmas, qarindoshlari bilan birlasha olmas edi. Na ish joyi, na yashash joyi bor edi. Bu hech qanday mubolag‘asiz, yirik gumanitar fojia”, – deya tushuntirdi Putin. “Zamin” yangiliklarini “Twitter”da kuzatib boring