Nazarboyev Toqayev bilan «qattiq muzokaralar» olib bormoqda - The Guardian

Qozog‘istonning birinchi prezidenti Nursulton Nazarboyev mamlakat poytaxti Nur-Sultonda, deb yozadi The Guardian manbalariga tayanib.

Mamlakatda «yaxshi aloqalarga ega» bir sobiq amaldorning so‘zlariga ko‘ra, Nazarboyev Qozog‘iston prezidenti Qosim-Jomart Toqayev bilan «aktivlar, tog‘-kon va daromadlarni» qayta taqsimlash bo‘yicha «qattiq muzokaralar» olib bormoqda.

Nazarboyevning sobiq maslahatchisi Yermuxamet Yertisbayevga ko‘ra, sobiq prezident Qozog‘istonda. Yertisbayevning so‘zlariga ko‘ra, muzokaralar davom etmoqda, biroq «Nazarboyev davri tugagani aniq».

Nashrning yana bir manbasi Nazarboyev Xitoyda bo‘lishi mumkinligini iddao qilmoqda. Biroq Pekin bu xabarlarni allaqachon rad etgan.

«Bu mutlaqo yolg‘on ma’lumot. Biz Qozog‘iston sobiq prezidentining matbuot kotibi Nazarboyev ayni damda mamlakat poytaxti Nur-Sultonda ekanini ma’lum qilganiga e’tibor qaratdik», — deyiladi Xitoy TIV xabarida. “Zamin” yangiliklarini “Vkontakti”da kuzatib boring