Rossiyaning raketa zarbalari oqibatida Ukrainada 40 dan ortiq harbiy xizmatchi halok bo‘lgan

^{Foto: «Ukrainskaya pravda»}
Rossiya tomonidan harbiy va muhim infratuzilma ob’ektlariga yo‘llangan raketa zarbalari oqibatida Ukraina Qurolli kuchlarining 40 dan ortiq harbiy xizmatchisi halok bo‘ldi. Bu haqda prezident ma’muriyati rahbari maslahatchisi Oleksiy Arestovich brifingda ma’lum qildi, deb yozmoqda «Ukrainskaya pravda».

Ukraina rasmiylarida 10 nafar tinch aholining o‘limi haqida ham ma’lumotlar bor. Avvalroq Ukraina ichki ishlar vazirligi Mariupol, Odessa va Xerson viloyatlaridagi qurbonlar to‘g‘risida ma’lumot bergandi.

Arestovichning so‘zlariga ko‘ra, Donbassda eng og‘ir janglar davom etmoqda. U boshqa xavfli yo‘nalishlar sifatida Qrim, Chernigov va Xarkovni qayd etdi. Maslahatchining so‘zlariga ko‘ra, bu hududlarda Rossiya qo‘shinlari Ukraina hududi bo‘ylab 10 kilometrdan ham ichkariroqqa siljimagan. “Zamin” yangiliklarini “Vkontakti”da kuzatib boring